ავღანეთში, ბაგრამის ბაზაზე, NATO-ს კოლონასთან ახლოს, ექსტრემისტებმა 2 მანქანაში ასაფეთქებელი მოწყობილობა დაამონტაჟეს.
აფეთქება ფარვანის პროვინციაში, ბაგრამის რაიონში მოხდა.
ბოლო მონაცემებით, დაიღუპა 1 ადამიანი, დაშავებულთა რაოდენობა 62-მდე გაიზარდა.
„მტკიცე მხარდაჭერის“ მისიის წარმომადგენლების თქმით, თავდასხმის სამიზნე ადგილობრივი მოსახლეობისთვის აშენებული სამედიცინო ცენტრი იყო.
ავღანეთში თავდასხმის შედეგად 5 ქართველი სამხედრო დაშავდა.
ბაგრამის ბაზაზე თავდასხმასთან დაკავშირებით პასუხისმგებლობა ჯერჯერობით არავის აუღია.