სტამბოლში მუნიციპალური ავტობუსის მძღოლი ჯერ გაჩერებაზე შევარდა, შემდეგ კი, დანით ხელში, ადამიანებს დაესხა თავს. 13 ადამიანი დაშავდა.
ინფორმაციას ამის შესახებ CNN Turk ავრცელებს.
ინციდენტის შემდეგ 33 წლის მძღოლი მიმალვას ცდილობდა, თუმცა სამართალდამცავებმა მისი დაკავება შეძლეს.
პოლიციაში აცხადებენ, რომ დაშავებულთა შორის ირანის სამი მოქალაქე და ორი ბავშვია.
თავდასხმის მოტივი ჯერჯერობით უცნობია. მიმდინარეობს გამოძიება.