აზერბაიჯანი ოკუპაციისაგან გათავისუფლებულ ტერიტორიებზე კიდევ ექვსი სამხედრო ნაწილის მოწყობას გეგმავს. ამის შესახებ აზერბაიჯანული მედია წერს.
სახელმწიფო სასაზღვრო სამსახურის უფროსის, გენერალი ელჩინ გულიევის განცხადებით, აზერბაიჯან-ირანის სახელმწიფო საზღვრის ოკუპაციისგან განთავისუფლებული სასაზღვრო პუნქტები უკვე აღდგენილია.
„სამხედრო-საბრძოლო პუნქტები ზანგილანის, გუბადლისა და ლაჩინის რაიონებში სომხეთთან საზღვრის დაცვისთვის შეიქმნა“, - აცხადებს ელჩინ გულიევი. მისივე თქმით, აზერბაიჯანი სომხეთისა და ირანის საზღვარზე კიდევ ექვსი სამხედრო ნაწილის მოწყობას მაისის ბოლომდე აპირებს.