აზერბაიჯანის პრეზიდენტის, ილჰამ ალიევის განცხადებით, აზერბაიჯანი თეთრი სახლის ახალ ადმინისტრაციასთან მჭიდროდ თანამშრომლობს.
"აშშ აზერბაიჯანის მიერ განხორციელებულ ენერგეტიკასა თუ სხვა პროექტებს ყოველთვის უჭერდა მხარს. გვინდა ამ ურთიერთობების კიდევ უფრო მეტად დივერსიფიკაცია მოვახდინოთ. სავაჭრო სფეროში უფრო მჭიდრო თანამშრომლობა გვსურს. ასევე, შესაძლებელია თანამშრომლობა თავდაცვის სფეროშიც", - განაცხადა ილჰამ ალიევმა.
აზერბაიჯანის პრეზიდენტმა ასევე იმედი გამოთქვა, რომ იუნესკოს მისია აზერბაიჯანს მომავალ თვეში ეწვევა.