აზერბაიჯანის რესპუბლიკის გენერალური პროკურატურის განცხადებით, სომხეთსა და აზერბაიჯანს შორის მიმდინარე სამხედრო დაპირისპირების შედეგად მათი 12 მშვიდობიანი მოქალაქე გარდაიცვალა, ხოლო 35 დაიჭრა.
აზერბაიჯანის პროკურატურის ცნობითვე, სიტუაციის სამხედრო ესკალაციის გამო, დაზიანდა 66 საცხოვრებელი სახლი და რვა სამოქალაქო ობიექტი.
შეგახსენებთ, 27 სექტემბერს სომხეთისა და აზერბაიჯანის საზღვარზე ვითარება უკიდურესად დაიძაბა. მხარეები სამხედრო შეტაკებების და მსხვერპლის შესახებ იუწყებიან.