ქალბაჯარისა და გადაბეის რაიონებში განლაგებული აზერბაიჯანის არმიის პოზიციების მიმართულებით სომხეთის გეღარქუნიქის პროვინციაში განლაგებული მტრის პოზიციებიდან რამდენჯერმე ცეცხლი გახსნეს, - ამის შესახებ აზერბაიჯანის თავდაცვის სამინისტროში განაცხადეს. ინფორმაციას აზერბაიჯანული მედია ავრცელებს.
უწყების განცხადებით, 24-26 მაისს სომხური მხარე ცეცხლს პერიოდულად ხსნიდა, თუმცა არავინ დაშავებულა ან დაღუპულა.
აზერბაიჯანის თავდაცვის სამინისტროში ამბობენ, რომ მათ ჯარისკაცებს საპასუხო ცეცხლი არ გაუხსნიათ.