1 თებერვლის შემდეგ საზოგადოებრივი კვების ობიექტებს მომხმარებლებისთვის მომსახურების გაწევა ადგილზე და შაბათ-კვირასაც შეეძლება. ამის შესახებ ქვეყნის მინისტრთა კაბინეტის პრესსამსახურის უფროსმა, იბრაჰიმ მამედოვმა განაცხადა.
რაც შეეხება უქმე დღეებში საზოგადოებრივი ტრანსპორტის მოძრაობას, მისი თქმით, დამატებითი ინფორმაცია ამის შესახებ უახლოეს მომავალში გაჟღერდება.
"ამ შაბათ-კვირას საპარიკმახეროები და სილამაზის სალონები იმუშავებს. 1 თებერვლიდან კაფეებსა და რესტორნებში ადგილზე მოემსახურებიან", - განაცხადა მან.
იბრაჰიმ მამედოვის თქმით, აზერბაიჯანში ვაქცინაცია 50 ათასამდე ადამიანმა გაიარა. უმეტესობა ჯანდაცვის სფეროს მუშაკია.