აზერბაიჯანში ბოლო დღე-ღამის განმავლობაში კორონავირუსით ინფიცირების 136 ახალი შემთხვევა გამოვლინდა, რითაც ინფიცირებულთა რაოდენობა 3 274-მდე გაიზარდა. ინფორმაციას ამის შესახებ ქვეყნის მთავრობასთან არსებული ოპერატიულ შტაბი ავრცელებს.
გასული დღე-ღამის განმავლობაში კიდევ სამი ადამიანი დაიღუპა. COVID-19-ის შედეგად სულ გარდაიცვალა 39 ადამიანი.
გამოჯანმრთელდა 2 015 პაციენტი.
1 220 პაციენტი ამ დრომდე მკურნალობს. 43-ის მდგომარეობა მძიმეა.
ქვეყანაში კორონავირუსზე 232 077 ტესტირება ჩატარდა.