აზერბაიჯანში, დღეიდან, შაბათ-კვირის განმავლობაში, საზოგადოებრივი ტრანსპორტით გადაადგილება მთელი ქვეყნის მასშტაბით აიკრძალა.
აზერბაიჯანმა კორონავირუსის გამო დაწესებული სპეციალური საკარანტინო რეჟიმი 28 დეკემბრის 06:00 საათამდე გაახანგრძლივა.
იკრძალება მომსახურების სერვისები ყველგან, სასიცოცხლოდ მნიშვნელოვანი ობიექტების, მათ შორის აფთიაქებისა და სასურსათო მაღაზიების გარდა. ამასთან, სავალდებულოა პირბადეების ტარება როგორც დახურულ, ასევე ღია სივრცეებში.