თურქეთის საგარეო საქმეთა მინისტრმა მევლუთ ჩავუშოღლუმ განაცხადა, რომ ანკარა უარყოფს აშშ-ის პრეზიდენტის, ჯო ბაიდენის განცხადებას ოსმალეთის იმპერიის მიერ სომხების გენოციდის აღიარების შესახებ.
მისივე თქმით, შეერთებული შტატების მეთაურის განცხადება პოპულიზმს ემყარება.
”ჩვენ მთლიანად უარვყოფთ ამ განცხადებას, რომელიც მხოლოდ პოპულიზმზეა დაფუძნებული”, - წერს ჩავუშოღლუ Twitter-ზე.
მან აღნიშნა, რომ ”პოლიტიკური ავანტიურიზმი მშვიდობისა და სამართლიანობის უდიდესი ღალატია”.
აშშ-ს პრეზიდენტმა ჯო ბაიდენმა ოსმალეთის იმპერიის მიერ პირველი მსოფლიო ომის დროს სომეხი მოსახლეობის გენოციდი ოფიციალურად აღიარა.