აზერბაიჯანის საგანგებო სიტუაციების სამინისტროს ცნობით, ბაქოში, ნიზამის რაიონში ხანძარი გაჩნდა.
ადგილობრივი მედიის ინფორმაციით, ხუთსართულიანი საცხოვრებელი კორპუსის მე-3 სართულზე მომხდარი ინციდენტის შედეგად დაიწვა ორსართულიანი შენობის პირველი სართულის კონსტრუქცია, რომლის საერთო ფართობიც 50 კვ.მ-ს შეადგენს.
ინციდენტის შედეგად ორი ადამიანი დაშავდა. ხანძრის შედეგად დაშავებული მოქალაქეები საავადმყოფოში გადაიყვანეს. გავრცელებული ინფორმაციით, ისინი კვამლით არიან მოწამლულები.
ამ დროისათვის ხანძარი ლოკალიზებულია.
ხანძრის გამომწვევ მიზეზებზე გამოძიება მიმდინარეობს.