ბარსელონის აეროპორტში პოლიციასთან შეტაკებების შედეგად 37 დემონსტრანტი დაშავდა. ამის შესახებ ადგილობრივი ჯანდაცვის სამინისტროს წარმომადგენლები აცხადებენ.
ბოლო ინფორმაციით, აეროპორტში 100-მდე რეისი გადაიდო.
ბარსელონის ელ-პრატის აეროპორტში შეკრებილები 9 კატალონიელი სეპარატისტებისთვის გამოტანილ სასჯელს აპროტესტებენ.
14 ოქტომბერს ესპანეთის უზენაესმა სასამართლომ მათ 9-დან 13-წლამდე თავისუფლების აღკვეთა 2017 წლის კატალონიის ე.წ. დამოუკიდებლობის რეფერენდუმში მონაწილეობისთვის მიუსაჯა.