ესპანეთის ქალაქებს, ბარსელონასა და ფიგერასს შორის სარკინიგზო მიმოსვლა შეწყდა. მიზეზად ადგილობრივი ხელისუფლება საბოტაჟს ასახელებს, რომელიც სარკინიგზო ხაზზე დღეს დილით მოხდა.
ადგილობრივი მედიის ინფორმაციით, დაუდგენელმა პირებმა ოპტიკური ბოჭკოვანი კაბელი გადაჭრეს, რამაც სიგნალიზაციის სისტემა მწყობრიდან გამოიყვანა.
ადგილზე სარემონტო სამუშაოები მიმდინარეობს.
პოლიციაში აცხადებენ, რომ ინციდენტი ესპანეთში ბოლო რამდენიმე დღის განმავლობაში მიმდინარე საპროტესტო აქციებს უკავშირდება.