ბელარუსის მთავრობამ 80 000 ტონა ნავთობი, რუსეთის ნაცვლად, ნორვეგიისგან შეიძინა და „ნაფტანის“ ნავთობგადამამუშავებელ ქარხანაში ლიეტუვის კლაიპედას პორტის გავლით გადაზიდავს. სააგენტო “როიტერის” ინფორმაციით, მიწოდება 22 იანვარს დაიწყება.
მანამდე, ბელარუსის ვიცე-პრემიერმა, დმიტრი კრუტოიმ განაცხადა, რომ რუსული ნავთობის ნაცვლად, სხვა წყაროების მოსაძებნად მინსკმა კომერციული წინადადებები უკრაინაში, პოლონეთში, ბალტიისპირეთის ქვეყნებში, ყაზახეთსა და აზერბაიჯანში გაგზავნა.