საბერძნეთში კარანტინის შემსუბუქება დაიწყო. დღეს მუშაობა განაახლეს სილამაზის სალონებმა, ყვავილების და წიგნების მაღაზიებმა, რომელიც 6 კვირის წინ ახალი კორონავირუსის გავრცელების პრევენციის მიზნით დაიხურა.
ადგილობრივი მედია წერს, რომ ყველაზე დიდი მოთხოვნა თმის სტილისტის მომსახურეობაზეა. სილამაზის სალონები და ბარბერ-შოპებში მოხვედრა მხოლოდ წინასწარი ჩაწერითაა შესაძლებელი.
ყვავილებისა და წიგნების მაღაზიების გარდა, მუშაობა განაახლა ოპტიკის და სპა-მომსახურეობის სალონებმაც.
მოსალოდნელია, რომ სკოლები, რესტორნები და ბარები თვის ბოლოს გაიხსნება. სასტუმროები ვიზიტორთა მიღებას 1 ივნისიდან შეძლებს.
საზოგადოებრივ ტრანსპორტში მგზავრებმა პირბადე უნდა ატარონ და სოციალური დისტანცია დაიცვან. ვითარებას პოლიცია აკონტროლებს.