დიდი ბრიტანეთის პრემიერ მინისტრი დღეს მორიგი შემსუბუქების თარიღს გამოაცხადებს. 17 მაისიდან გახსნის ახალი ეტაპი ბრიტანელებს ბარებსა და რესტორნებში - დახურულ სივრცეში თავშეყრის საშუალებას, ასევე და ქუჩაში ჩახუტების ნებას მისცემს. ხანგრძლივი და უმკაცრესი კარანტინის შემდეგ ღია სივრცეში 30 ადამიანის, ხოლო დახურულ სივრცეში 2 ოჯახის შეკრება იქნება შესაძლებელია. ინფორმაციას Reuters ავრცელებს.
დიდი ბრიტანეთი ერთ-ერთი პირველია იმ ქვეყნებს შორის, რომელმაც ვაქცინაციის პროცესის სწრაფად და ეფექტურად მართვა მოახერხა. დღეს ქვეყნის მასშტაბით, კორონავირუსით გარდაცვალების მხოლოდ 2 შემთხვევა დაფიქსირდა. ქვეყანა, თანდათანობით, საერთაშორისო მოგზაურობის აღდგენასაც გეგმავს.