გაერთიანებული სამეფოს მინისტრთა კაბინეტის მიერ შემუშავებული გეგმების თანახმად, ოქსფორდის უნივერსიტეტისა და კომპანია AstraZeneca-ს მიერ წარმოებული COVID-19-ის საწინააღმდეგო ვაქცინა მასობრივ მოხმარებაში 4 იანვრიდან ჩაეშვება. ამის შესახებ The Sunday Telegraph იუწყება.
გამოცემის ცნობით, მთავრობა იმედოვნებს, რომ მომდევნო ორი კვირის განმავლობაში მოსახლეობას Oxford/AstraZeneca-ს ან Pfizer-ის ვაქცინის 2 მილიონი დოზა გადაეცემა.
The Sunday Telegraph-ში გამოქვეყნებული სტატიის ავტორი აღნიშნავს, რომ ოქსფორდის უნივერსიტეტის მიერ შემუშავებული ვაქცინა სამედიცინო მარეგულირებელი ორგანოს მიერ ლიცენზიას რამდენიმე დღეში მიიღებს.
ცნობისათვის, დიდ ბრიტანეთში კორონავირუსზე ვაქცინაცია ამ ეტაპზე Pfizer-ის მიერ წარმოებული ვაქცინით მიმდინარეობს.