მინიმუმ 12 ადამიანი დაიღუპა და 144 საავადმყოფოში გადაიყვანეს ჩინეთის ჰუბეის პროვინციაში, ბუნებრივი აირის აფეთქების შედეგად.
ჩინეთის სახელმწიფო ტელევიზიის მიერ გავრცელებული ინფორმაციით, საცხოვრებელი კომპლექსის ტერიტორიაზე დიდი სურსათის ბაზარი იყო განთავსებული და აფეთქების ტალღამ დაახლოებით 40-მდე სავაჭრო კიოსკი გაანადგურა. აფეთქების დროს ტერიტორიაზე ბევრი ადამიანი იმყოფებოდა.
ამ დროისთვის მაშველებმა მოახერხეს ნანგრევებიდან 144 ადამიანის გამოყვანა. საავადმყოფოში გადაყვანილ დაშავებულთა შორის 34 ადამიანის მდგომარეობა კრიტიკულად მძიმედ ფასდება.