დანიაში კორონავირუსის "სამხრეთ აფრიკული შტამით" ინფიცირების პირველი შემთხვევა დაფიქსირდა. ამის შესახებ გამოცემა The Guardian წერს.
გამოცემის ცნობით, ვირუსის ახალი შტამი სახელწოდებით B.1.351/501Y დუბაიდან დაბრუნებულ პირს დაუდასტურდა.
დანიის მთავრობამ, ინფექციების ზრდის ფონზე, 5 ადამიანზე მეტს შეკრება აკრძალა. ამასთან, ქუჩაში გადაადგილებისას სავალდებულოა პირბადის გაკეთება. 22:00 საათის შემდეგ აკრძალულია ალკოჰოლის გაყიდვა. ქვეყნის მასშტაბით დახურულია რესტორნები, ბარები, კინოთეატრები, თეატრები, სპორტული დარბაზები, სავაჭრო ცენტრები და სილამაზის სალონები.
დანიაში კორონავირუსით ინფიცირების შემთხვევების რიცხვი 188 199-მდე გაიზარდა, გარდაცვლილია 1 747 პაციენტი.