ჯანდაცვის მსოფლიო ორგანიზაციის მონაცემებით, 20-დან 26 სექტემბრის ჩათვლით, მსოფლიოში COVID-19–ით ინფიცირების შემთხვევები და სიკვდილიანობა 10 პროცენტით შემცირდა. შესაბამისი განცხადება ჯანმო-ს ოფიციალურ ვებგვერდზე გამოქვეყნდა.
”კვირის განმავლობაში COVID-19–ით ინფიცირებისა და გარდაცვალების შემთხვევები მცირდება. ამის მიუხედავად, 20–დან 26 სექტემბრის ჩათვლით პერიოდში 3,3 მილიონზე მეტი ინფიცირების და 55 ათასზე მეტი გარდაცვალების შემთხვევა დაფიქსირდა”, - ნათქვამია მოხსენებაში.
ჯანმო-ს მონაცემების თანახმად, პანდემიის დაწყებიდან დღემდე მსოფლიოში კორონავირუსით ინფიცირების 232,075,351 შემთხვევა ფიქსირდება, დაავადებას 4,752,988 ადამიანი ემსხვერპლა.