ევროპული საბჭოს პრეზიდენტი დონალდ ტუსკი ევროკავშირს ბრექსიტის თარიღის გადავადებას სთავაზობს. ამის შესახებ ის მიკრობლოგ „ტვიტერის“ პირად გვერდზე წერს.
როგორც დონალდ ტუსკმა აღნიშნა, ბრექსიტის თარიღის გადაწევა ვითარებიდან საუკეთესო გამოსავალია.
„შეთანხმების რატიფიკაციის პროცესის შეჩერებაზე ბორის ჯონსონის გადაწყვეტილების შემდეგ, დიდი ბრიტანეთის მიერ ევროკავშირის შეთანხმების გარეშე დატოვების თავიდან ასარიდებლად, გაერთიანების 27 წევრ სახელმწიფოს თარიღის გადაწევის რეკომენდაციას მივცემ“, – განაცხადა ევროპული საბჭოს პრეზიდენტმა.