ინდოეთში, მადჰია-პრადეშის შტატში ძლიერი წვიმის გამო ციხის კედელი ჩამოინგრა, დაშავდა სულ მცირე 22 პატიმარი.
ერთ-ერთი დაშავებული პატიმარი, რომლის მდგომარეობაც ყველაზე მძიმე იყო, ქალაქ გვალიორში, გადაუდებელი სამედიცინო დახმარების აღმოსაჩენად გადაიყვანეს, დანარჩენებს კი ადგილობრივ საავადმყოფოში მკურნალობენ.
პოლიციის ინფორმაციით, ციხის შენობა ძველია, ბოლო დღეების განმავლობაში მადჰია-პრადეშის შტატში გადაუღებლად წვიმდა, რაც ციხის ერთ-ერთი კედლის ჩამონგრევის მიზეზი გახდა. კედლის ნგრევისას ციხეში 255 მსჯავრდებული იმყოფებოდა.