ამერიკელი მსახიობი, "ბეჭდების მბრძანებლის" ტრილოგიის ვარსკვლავი ელაიჯა ვუდი პირველად გახდა მამა. ამის შესახებ Daily Mail წერს.
39-წლის მსახიობი და მისი შეყვარებული, პროდიუსერი მატე-მარი კონგსვედი ბავშვის დაბადებას არ აფიშირებენ, ამიტომ სხვა დეტალები უცნობია.
წყვილი ერთად უკვე სამი წელია. ერთმანეთი მათ ერთ-ერთი ფილმის გადაღების დროს გაიცნეს.
მიუხედავად იმისა, რომ ჟურნალისტებმა კონგსვედის თითზე ნიშნობის ბეჭედი შენიშნეს, ნიშნობის შესახებ მათ ოფიციალურად არ განუცხადებიათ.