ერაყის სამხრეთ-აღმოსავლეთ ნაწილში, ქალაქ ნასირიაში, საპროტესტო აქციაზე, სამართალდამცავებთან დაპირისპირებისას, 4 ადამიანი დაიღუპა და 130 დაიჭრა. უსაფრთხოების სამსახურის წარმომადგენლებმა დემონსტრანტების წინააღმდეგ ცრემლსადენი გაზი და ხმოვანი ყუმბარები გამოიყენეს.
ერაყში მასობრივი ანტისამთავრობო საპროტესტო აქციები 1 ოქტომბერს დაიწყო. ოქტომბრიდან დღემდე აქციებზე 230 ადამიანი დაიღუპა. მოსახლეობა უმუშევრობის მაღალ დონეს, მძიმე სოციალურ პირობებსა და კორუფციას აპროტესტებს.