კატალონიის პრეზიდენტის შემოთავაზება დიალოგის შესახებ ესპანეთის პრემიერ მინისტრმა უარყო. მისი თქმით, ქუიმ ტორამ, პირველ რიგში, სეპარატისტების ქმედება უნდა დაგმოს, რომლებიც ბარსელონაში არეულობას აწყობენ.
სანჩესი კატალონიის პრეზიდენტს მოუწოდებს, გაითვალისწინოს იმ კატალონიელების აზრი, ვისაც რეგიონის დამოუკიდებლობა არ სურს და ესპანეთის საზღვრებში თანაცხოვრების მომხრეა. მისი თქმით, კატალონიას დამოუკიდებლობის გარანტიები ვერ ექნება, რადგან „ეს უკანონო მოთხოვნაა“.