ესპანეთის პრემიერ-მინისტრის პედრო სანჩესის გადაწყვეტილებით ქვეყანაში საგანგებო მდგომარეობა განმეორებით გამოცხადდა ამის შესახებ საინფორმაციო სააგენტო Reuters წერს.
პედრო სანჩესის განცხადებით, იგი პარლამენტს წინადადებას წარუდგენს, რომელიც საგანგებო მდგომარეობის 6 თვით, მაისამდე გახანგრძლივებას ითვალისწინებს.
ესპანეთის რეგიონებს კომენდანტის საათის დაწესება შეეძლებათ, რომელიც 23:00-დან 06:00 საათამდე იმოქმედებს.
ქვეყანაში კორონავირუსით ინფიცირებულთა რიცხვი 1,046,132-მდე გაიზარდა, ხოლო გარდაცვლილთა რაოდენობა 35,000-ს უახლოვდება.