ესპანეთში, ქალაქ ალკანარსა და ტარაგონას პროვინციაში, ძლიერი წყალდიდობაა. ამის შესახებ ინფორმაციას ადგილობრივი გამოცემა El Periodico ავრცელებს.
ქალაქ ალკანარში მოვარდნილი წყალდიდობის გამო ქუჩები დაიტბორა. გასულ ღამეს ადგილობრივმა ხელისუფლებამ რეგიონში საფრთხის უმაღლესი დონე გამოაცხადა და მოსახლეობას სახლში დარჩენისკენ მოუწოდა. ადგილობრივმა მაშველებმა 40-ზე მეტი ზარი მიიღეს.
გამოცემა El Pais-ის თანახმად, ამ დროისთვის უამინდობის გამო 10 000 მომხმარებელი ელექტროენერგიის გარეშეა დარჩენილი.