საბედნიეროდ, მთიან ყარაბაღში სამხედრო მოქმედებები დასრულებულია. ახლა შეთანხმებების შესრულების დრო მოვიდა, - ამის შესახებ ეუთოს მოქმედმა თავმჯდომარემ, ალბანეთის პრემიერ მინისტრმა ედი რამამ ეუთოს საგარეო საქმეთა მინისტრების საბჭოს 27-ე შეხვედრაზე განაცხადა.
”მე ეუთოს მინსკის ჯგუფის თანათავმჯდომარეებს სრულ მხარდაჭერას ვუცხადებ. ნდობის არსებობის შემთხვევაში, არსებითი მოლაპარაკებები უნდა გაგრძელდეს, რათა კონფლიქტის გრძელვადიანი და ყოვლისმომცველი დარეგულირება მიღწეული იყოს”, - განაცხადა რამამ.
შეგახსენებთ, აზერბაიჯანსა და სომხეთს შორის სიტუაცია 27 სექტემბერს დაიძაბა. 10 ნოემბერს რუსეთის, აზერბაიჯანისა და სომხეთის ლიდერებმა, ხელი მოაწერეს ერთობლივ განცხადებას მთიანი ყარაბაღში საომარი მოქმედებების სრული შეწყვეტის შესახებ, რომლის თანახმადაც სომხეთმა აზერბაიჯანისათვის მთიანი ყარაბაღის ტერიტორიის დაბრუნების ვალდებულება იკისრა.