ევროკავშირის ელჩებმა მიგრაციულ კრიზისთან დაკავშირებით ბელარუსის წინააღმდეგ სანქციების მეხუთე პაკეტი დაამტკიცეს, რომელიც ძალაში 2 დეკემბერს შევა. ამის შესახებ "რადიო თავისუფლების" კორესპონდენტი რიკარდ იოზვაკი საკუთარ წყაროებზე დაყრდნობით იტყობინება.
"ევროკავშირის ელჩებმა ახლახან აუნთეს მწვანე შუქი ბელარუსის წინააღმდეგ ევროკავშირის სანქციების მეხუთე პაკეტს“, - დაწერა იოზვაკმა "ტვიტერში".
მისი თქმით, სანქციები 17 ადამიანს და 11 ორგანიზაციას შეეხება.
ჟურნალისტის ინფორმაციით, ევროკავშირმა სანქციების მეექვსე პაკეტზეც დაიწყო მუშაობა, თუმცა მის შინაარსზე საუბარი ნაადრევია. შეზღუდვების ახალი პაკეტი, შესაძლოა, იანვარ/თებერვალში მზად იყოს.