ევროკავშირმა ნოემბრის თვეში ბერლინში დაგეგმილი სამიტის გაუქმების გადაწყვეტილება მიიღო. ამის შესახებ განცხადება გერმანიის კანცლერმა ანგელა მერკელმა გააკეთა.
"კონტაქტების მინიმუმამდე შემცირების თვალსაზრისით, ვფიქრობ, ეს აუცილებელი სიგნალი იყო", - განაცხადა მერკელმა.
ბოლო პერიოდში გერმანიაში კორონავირუსით ინფიცირებულთა რიცხვი მნიშვნელოვნად იზრდება. რობერტ კოხის ინსტიტუტმა ზაფხულის შემდეგ დღეს პირველად ინფიცირებულთა ახალი რეკორდული რაოდენობა - 7,334 შემთხვევა დააფიქსირა.
გერმანიის ჯანდაცვის სამინისტროს წარმომადგენლები და ექსპერტები მოსახლეობას აფრთხილებენ, რომ ნ, რომ ცივი ამინდისა და გრიპის ტრადიციული სეზონის დადგომის პარალელურად, კორონავირუსის შემთხვევები კიდევ უფრო გაიზრდება.