ევროკავშირის სპეციალური წარმომადგენელი სამხრეთ კავკასიისა და საქართველოში კრიზისის საკითხებში ტოივო კლაარი ამ კვირაში აზერბაიჯანს ეწვია. ინფორმაციას აზერბაიჯანული მედია ავრცელებს.
ტოივო კლაარი ბაქოში ქვეყნის რიგ ოფიციალურ პირებთან შეხვედრებს გამართავს.
განხილული იქნება აზერბაიჯანსა და ევროკავშირს შორის თანამშრომლობის საკითხები, აქტუალური რეგიონალური საკითხები, ასევე ადგილზე უსაფრთხოების და ჰუმანიტარული სიტუაციის საკითხები.
ბაქოში ვიზიტის შემდეგ ევროკავშირის სპეციალური წარმომადგენელი თბილისსა და ერევანს ეწვევა.