დასავლეთ ევროპის ქვეყნების ნაწილს შტორმი "ელზა" დაატყდა თავს. ქარის სიჩქარე 130 კმ/სთ-ს აღწევს. გადაუღებელი წვიმების შედეგად რამდენიმე რეგიონი დაიტბორა.
ესპანეთის ასტურიას პროვინციაში ერთი ადამიანი დაიღუპა, რომელიც ტალახისა და ქვის მასამ დაფარა.
ერთი ადამიანი დაიღუპა გალისიას პროვინციაში კედლის ჩამონგრევის შედეგად.
ქვეყნის უელვის პროვინციაში, ერთ-ერთ ქალაქში წყალდიდობის შედეგად წყლის დონემ 1.5 მეტრს მიაღწია. მაშველები ავტომობილებში ჩარჩენილი ადამიანების გამოყვანას ცდილობდნენ.
პოტრუგალიაში უამინდობას 2 ადამიანი ემსხვერპლა. ერთის მანქანას ხე დაეცა, მეორე სახლის ნანგრევებში მოჰყვა. სეტუბალის რეგიონში ერთ ადამიანს ამ დრომდე ეძებენ. მაშველები ვარაუდობენ, რომ ის დინებამ წაიღო.
ატლანტიკის სანაპიროზე რამდენიმე მეურნეობას ელექტროენერგიის მიწოდება შეუწყდა.