სოციალურმა ქსელმა Facebook-მა, ექსპერიმენტის ფარგლებში, წარმოადგინა პროგრამა Tuned, რომელიც შექმნილია შეყვარებული წყვილებისთვის. ინფორმაციას ამის შესახებ Android Police ავრცელებს.
დეველოპერების აზრით, Tuned არის სივრცე წყვილის კიდევ უფრო დასაახლოებლად, მაგრამ ფუნქციურად სხვა პროგრამების მსგავსია, როგორიცაა Between და Couply.
სერვისი გთავაზობთ შეტყობინებების, სტატუსის განახლებასა და განწყობის გაცვლას. გარდა ამისა, არსებობს სასიყვარულო ფოტოების, სტიკერების და გიფების გამოქვეყნების შესაძლებლობა. აპლიკაციას აქვს ჩაშენებული კალენდარი, სადაც შეგიძლიათ, დაამატოთ იუბილეები და დაუვიწყარი თარიღები ფოტოებით და მათ შესახებ რეგულარულად მიიღოთ შეხსენებები.
მის გამოსაყენებლად თქვენ არ გჭირდებათ Facebook ანგარიში, მაგრამ გჭირდებათ პარტნიორის ტელეფონის ნომრები.