სომხეთის პრემიერ-მინისტრმა ნიკოლ ფაშინიანმა აღიარა, რომ სომხეთმა რუსეთისგან "სუ-30სმ"-ის ტიპის გამანადგურებელი რაკეტების გარეშე შეიძინა. ამის შესახებ სომხეთის პრემიერმა, 20 მარტს, არაგაწოტნის პროვინციის მოსახლეობასთან შეხვედრის დროს განაცხადა.
"ჩვენ გვეუბნებიან: რატომ შეიძინეთ თვითმფრინავი? დიახ, ჩვენ ნამდვილად ვიყიდეთ თვითმფრინავი, ის მაისში ჩაგვბარდა და დიახ, ჩვენ ვერ მოვახერხეთ რაკეტების ომის დაწყებამდე შეძენა", - განაცხადა ფაშინიანმა.
სომხეთის პრემიერმა მომხდარზე პასუხისმგებლობა ქვეყნის წინა მთავრობას დააკისრა.
"თვითმფრინავები თქვენ რომ გეყიდათ ჩვენ რაკეტების შეძენას მოვასწრებდით. რატომ არ გააჩნდა 26 წლის სახელმწიფოს საავიაციო გამანადგურებლები?", - განაცხადა სომხეთის პრემიერმა.
იმის თაობაზე, რომ რუსეთიდან შეძენილი "სუ-30სმ" საბრძოლო მასალებით აღჭურვილი არ ყოფილა, მანამდე სომხეთის თავდაცვის სამინისტროს სამხედრო კონტროლის სამსახურის ყოფილმა უფროსმა მოვსეს აკოფიანმა განაცხადა.