ფილიპინების პრეზიდენტმა, როდრიგო დუტერტემ პოლიციასა და სამხედროებს ნება დართო, დახვრიტონ პირები, რომლებიც კორონავირუსის პანდემიის გამო გამოცხადებულ კარანტინის ზომებს დაარღვევენ.
მართალია, ფილიპინების ეროვნული პოლიციის შეფმა თქვა , რომ არავის დახვრეტას აპირებს, თუმცა ქვეყნის პრეზიდენტმა სატელევიზიო მიმართვისას, განაცხადა, რომ ეს ზომა აუცილებელია, რადგან ვითარება უკიდურესად გართულდა.
ბოლო მონაცემებით, ფილიპინებში ახალ კორონავირუსს 96 ადამიანი ემსხვერპლა, ინფიცირებულია 2311 ადამიანი.