ჰელსინკის უნივერსიტეტის მეცნიერებმა შეიმუშავეს მოლეკულა, რომელსაც COVID-19-ისგან დაცვა შეუძლია. ინფორმაციას ადგილობრივი მედია ავრცელებს.
მკვლევარების მონაცემებით, ახალი მოლეკულა TriSb92 კორონავირუსისგან რვა საათის განმავლობაში იცავს. თაგვებზე ჩატარებული ექსპერიმენტის მიხედვით, მას შეუძლია, დაბლოკოს ცილა ვირუსული ნაწილაკების ზედაპირზე.
როგორც უნივერსიტეტში აღნიშნეს, მოლეკულა ეფექტურია კორონავირუსის სხვადასხვა შტამების წინააღმდეგ. მეცნიერებმა ხაზგასმით აღნიშნეს, რომ იგი შეიქმნა არა როგორც არსებული ვაქცინების ანალოგი, არამედ მათი ეფექტის დანამატის სახით.