საიუველირო კომპანია "ფაბერჟემ" განაცხადა, რომ Game of Thrones-ის პირველი ეპიზოდის გამოსვლის 10 წლის იუბილესთან დაკავშირებით ძვირფას კვერცხს შექმნის.
ბრილიანტებით და ლალით მორთული სამკაულის ფასი 2.2 მილიონი აშშ დოლარი იქნება.
იგი "ფაბერჟეს" წამყვანმა ექსპერტმა ლიზა ტალგრენმა, სერიალის კოსტიუმების დიზაინერ მიშელ კლეპტონთან ერთად შეიმუშავა.
კვერცხზე გამოსახულია ალისფერი გველეშაპი გაშლილი ფრთებით და მინიატურული გვირგვინით, რომელსაც დეინერის ტარგარიენი ატარებს.
ნამუშევარი მოგვიანებით გამოჩნდება.