ბრიტანული გამოცემა Daily Mail-ის მფლობელი Google-ს პუბლიკაციების შემცირებაში ადანაშაულებს და ამბობს, რომ თუ ისინი არ ყიდულობენ საკმარის რეკლამას Google-ის პლატფორმაზე, მასზე წვდომა ეზღუდებათ, რითიც ონლაინ გამომცემლები ზარალდებიან. ამის შესახებ BBC იუწყება.
"ჩვენ ვფიქრობთ, რომ დროა, კომპანიას პასუხისმგებლობა დაეკისროს", - განაცხადა გამოცემის მფლობელმა.
Google-მა ამ ბრალდებებს უსაფუძვლო უწოდა.
"ჩვენი სარეკლამო ტექნიკური საშუალებების გამოყენება გავლენას არ ახდენს Google-ის ძიებებში გამომცემლის საიტის რანჟირებაზე. ზოგადად, ჩვენ ვვაჭრობთ ხალხმრავალ და კონკურენტულ სარეკლამო ტექნოლოგიურ სივრცეში, სადაც გამომცემლებს მრავალ ვარიანტის გამოყენება შეუძლიათ. ჩვენ დავიცავთ თავს ამ უსაფუძვლო პრეტენზიებისგან", - განაცხადა Google-ის წარმომადგენელმა.