ავსტრიის დედაქალაქ ვენაში, 6 მარტს, კორონავირუსის პანდემიის გამო დაწესებული შეზღუდვების წინააღმდეგ მიმართულ აქციაში რამდენიმე ასეულმა ადამიანმა მიიღო მონაწილეობა.
"დემოკრატია, ძირითადი უფლებები და თავისუფლებები", - ამ ლოზუნგით გამოვიდნენ დემონსტრანტები ვენის ქუჩებში. აქციის მონაწილეები ქვეყანაში საკარანტინო ზომების შესუსტებას და ავსტრიის კანცლერის სებასტიან კურცის გადადგომას მოითხოვდნენ.
იმავე დღეს, 6 მარტს, საკარანტინო შეზღუდვების წინააღმდეგ მიმართული ხალხმრავალი აქცია გაიმართა გერმანიაში, კერძოდ საქსონიასა და საქსონია-ანჰალთში.
აქციის მონაწილეებმა საავტომობილო მსვლელობა მოაწყვეს, რომელშიც დაახლოებით 1 000 ერთეული ტექნიკა იღებდა მონაწილეობას.