გერმანიის გენერალური პროკურორი პეტერ ფრანკი ევროკავშირის ყოფილი დიპლომატისა და ცნობილი გერმანული ლობისტი კომპანიის ორი თანამშრომლის საქმეს იძიებს, რომლებიც ჩინეთის სასარგებლოდ ჯაშუშობაში არიან ეჭვმიტანილნი.
გამოცემა Der Spiegel-ის ინფორმაციით, ორი ჩინეთის სახელმწიფო უსაფრთხოების სამსახურს კერძო და საქმიან ინფორმაციას აწვდიდა, მესამემ კი ამაზე თანხმობა განაცხადა.
პოლიციამ ჩხრეკა ბერლინში, ბრიუსელში, ბადენ-ვიურგემბერსა და ბავარიაში მდებარე ობიექტებში ჩაატარა.
გამოცემა წერს, რომ მთავარი ეჭვმიტანილი ევროკომისიის ყოფილი თანამშრომელია, რომელიც ბრიუსელში ხელმძღვანელ თანამდებობებზე მუშაობდა, ასევე რამდენიმე ქვეყანაში ევროკავშირის ელჩი იყო.
Der Spiegel-ის ინფორმაციით, მან კარიერა 2017 წელს დაასრულა, ორი სხვა ეჭვმიტანილი გადაიბირა და ჩინურ მხარესთან თანამშრომლობა დაიწყო.