გერმანიის კომუნისტური პარტია (DKP) ფედერალური პარლამენტის 26 სექტემბრის არჩევნებში მონაწილეობას ვერ მიიღებს. ქვეყნის საარჩევნო კომისიამ დაასკვნა, რომ მან აუცილებელი ფორმალობები დაარღვია. ინფორმაციას DPA ავრცელებს.
კომისიის დასკვნით, გერმანიის კომუნისტური პარტია, რომელიც 1968 წელს დაარსდა, პოლიტიკური პარტიის სტატუსი დაკარგა, რადგან რამდენჯერმე ხელისუფლებას დადგენილ ვადებში საქმიანობის ანგარიშები არ მიაწოდა.
პარტია აცხადებს, რომ გადაწყვეტილების გასაჩივრებას გეგმავს.