გერმანიაში კორონავირუსის საწინააღმდეგო ვაქცინის სულ მცირე ერთი დოზა უკვე 30 მილიონზე მეტმა ადამიანმა მიიღო. ამის შესახებ გერმანიის ჯანდაცვის მინისტრმა იენს შპანმა განაცხადა.
შპანის განცხადებით, გერმანიაში კორონავირუსზე ვაქცინირებულთა პროცენტული მაჩვენებელი 36,5%-ს შეადგენს.
ხოლო, ვაქცინის ორივე დოზა მოსახლეობის 10.9%-მა მიიღო.
ბოლო დღე-ღამის განმავლობაში ქვეყანაში კორონავირუსი კიდევ 3 934 ადამიანს დაუდასტურდა და ინფიცირებულთა რაოდენობა 3 589 825-მდე გაიზარდა. ეპიდემიის გავრცელებიდან დღემდე დაავადებას ბრიტანეთში 86 564 ინფიცირებული ემსხვერპლა.