გერმანიაში მამაკაცი დააკავეს, რომელსაც ბრალად რუსეთის სასარგებლოდ ჯაშუშობა ედება. აღსანიშნავია, რომ დაკავებული გერმანიის მოქალაქეა.
პროკურატურის განცხადებით, მამაკაცმა პარლამენტის შენობაში შეაგროვა საიდუმლო ინფორმაცია და ბერლინში, რუსეთის საელჩოში ერთ-ერთ დაზვერვის თანამშრომელს გადასცა. საიდუმლო ინფორმაცია მოიცავდა პარლამენტის შენობის გეგმას და კომპიუტერულ ფაილებს.
გერმანიის სისხლის სამართლის კოდექსის თანახმად, დაზვერვის სამსახურის აგენტად მუშაობა ითვალისწინებს თავისუფლების აღკვეთას 5 წლამდე ვადით და "განსაკუთრებით მძიმე შემთხვევებში" თავისუფლების აღკვეთას ვადით ერთიდან ათ წლამდე.
ამ ფაქტთან დაკავშირებით რუსეთს ჯერჯერობით კომენტარი არ გაუკეთებია.