იაპონიის დედაქალაქ ტოკიოში ძლიერი სიცხეების გამო აგვისტოს თვეში დაღუპულთა რიცხვი 148-მდე გაიზარდა. აღნიშნულის შესახებ ინფორმაციას, იაპონიის საზოგადოებრივი მაუწყებელი, ტოკიოს სოციალური კეთილდღეობისა და საზოგადოებრივი ჯანმრთელობის ბიუროზე დაყრდნობით ავრცელებს.
ბიუროს მონაცემებით, მხოლოდ გასული ერთი კვირის განმავლობაში ძლიერ სიცხეებს 17 ადამიანი ემსხვერპლა. გარდაცვლილთა 80%-ს 70 წელს გადაცილებული, ხანდაზმული ადამიანები შეადგენენ. ჰაერის ტემპერატურა ტოკიოში 32-დან 37 გრადუსამდე მერყეობს.