იაპონიის შინაგან საქმეთა სამინისტროს ინფორმაციით, ქვეყანაში შობადობის მაჩვენებელი მკვეთრად დაეცა. სტატისტიკური მონაცემებით, 2020 წლის 1 აპრილის მდგომარეობით, ქვეყანაში 15.1 მილიონი ბავშვია დარეგისტრირებული, რაც ნიშნავს, რომ წინა წელთან შედარებით, 200 ათასით ნაკლები ბავშვია დაფიქსირებული.
ოფიციალური მონაცემების თანახმად, იაპონიაში მოსახლეობა რეკორდული მაჩვენებლით მცირდება. ასევე აღსანიშნავია, რომ იკლებს შრომისუნარიანი ასაკის ადამიანთა რიცხვიც.