Arab News-ის ცნობით, იერუსალიმში, ალ-აქსას მეჩეთთან, პალესტინელებსა და სამართალდამცველებს შორის მომხდარი დაპირისპირების დროს სულ მცირე 200 პალესტინელი და 6 პოლიციელი დაშავდა.
პალესტინის ადმინისტრაციის ინფორმაციით, ისრაელის პოლიციამ იერუსალიმში რამდენიმე გზა გადაკეტა და მოქალაქეებს მეჩეთში შესვლის საშუალება არ მისცა.
ალ-აქსას მეჩეთის კომპლექსში შტურმი 200-მა პოლიციელმა მოაწყო და პალესტინელებს ტერიტორიის დატოვება აიძულა. ძირითადი შეტაკებები ალ-აქსას მეჩეთთან მოხდა.
მას შედეგ, რაც შეკრებილებმა პოლიციელებს ქვები და ბოთლები დაუშინეს, მათ დასაშლელად რეზინის ტყვიები და ხმოვან-მანათობელი ყუმბარები გამოიყენეს.