მილიარდერ ბიზნესმენს, ილონ მასკს Tesla-ს რესტორნების გახსნა სურს.
გამოცემა Bloomberg-ის ცნობით, მასკმა ამერიკის შეერთებული შტატების პატენტისა და სავაჭრო ნიშნის ადმინისტრაციაში 27 მაისს 3 განცხადება შეიტანა.
ილონ მასკი რესტორნების გახსნას კალიფორნიაში, Tesla-ს ელექტროგასამართ სადგურებზე გეგმავს.
მიმდინარე წლის აპრილში მილიარდერმა გამოაქვეყნა ტვიტი, რომელშიც აღნიშნა, რომ Tesla Supercharger სანტა მონიკაში გაიხსნება. ამ სივრცეში მსურველებს 50-იანი წლების სტილში გაფორმებული დარბაზი დახვდებათ, სადაც 100 საუკეთესო როკ-ენ-როლის ვიდეო კლიპს ნახავენ.
მანამდე, 2018 წელს ბიზნესმენმა Twitter-ზე შეტყობინება გამოაქვეყნა, რომელშიც წერდა, რომ როკ-ენ-როლის მოყვარულებისათვის კვების ობიექტის გახსნა სურს.