ინდოეთის გუჯარათის შტატში, სამედიცინო დაწესებულებაში, სადაც კორონავირუსით ინფიცირებული ადამიანები მკურნალობდნენ, ხანძარი გაჩნდა. ინციდენტის შედეგად 5 ადამიანი დაიღუპა. ინფორმაციას ამის შესახებ ტელეარხი Zee News ავრცელებს.
აალება ინტენსიური თერაპიის განყოფილებაში მოხდა, რადაც ამ დროს 11 პაციენტი იმყოფებოდა. 6 ადამიანის გადარჩენა მოხერხდა.
საავადმყოფოს თანამშრომლებმა ხანძრის ჩაქრობა მოასწრეს. პაციენტები სხვა სამედიცინო დაწესებულებებში გადაიყვანეს.
წინასწარი ინფორმაციით, ხანძრის მიზეზი მოკლე ჩართვა გახდა. მიმდინარეობს გამოძიება.