ინდოეთში მცხოვრები პენსიონერი კორონავირუსზე 12-ჯერ აიცრა. ინფორმაციას The New York Times ავრცელებს.
მამაკაცის თქმით, მას მიაჩნია, რომ ეს მის ჯანმრთელობას გააუმჯობესებს.
პენსიაზე გასულმა ფოსტალიონმა აღნიშნა, რომ პირველად COVID-19-ის საწინააღმდეგო აცრა 2021 წლის თებერვალში გაუკეთეს. ვაქცინაციის შემდეგ მამაკაცმა თქვა, რომ თავს ბევრად უკეთ გრძნობდა.
"ზურგის ტკივილი შემცირდა, ზოგადი სისუსტე გაქრა, მადა გამიუმჯობესდა“, - აღნიშნა მან.
12 დოზის მიუხედავად, მამაკაცი გაჩერებას არ აპირებს. მართალია, სანუკვარი ინიექციის მიღებისთვის მას ექიმების მოტყუება უწევს, მაგრამ ამბობს, რომ ამად ღირს.
"ვეძებ ვაქცინაციის ახალ ადგილებს და იქ მივდივარ“, - აღიარა პენსიონერი.
ამასობაში ადგილობრივმა ხელისუფლებამ გამოძიება დაიწყო იმის გასარკვევად, თუ როგორ მოახერხა მამაკაცმა ვაქცინის ამდენი დოზის მიღება.