ინდოეთში, ქალაქ აჰმედნაგარში, ერთ-ერთი საავადმყოფოს ინტენსიური თერაპიის განყოფილებაში გაჩენილ ხანძარს 10 ადამიანი ემსხვერპლა.
Reuters-ის ცნობით, ტრაგიკული შემთხვევა სახელმწიფო ჰოსპიტალში მოხდა.
ადგილობრივი ხელისუფლების ინფორმაციით, ინტენსიური თერაპიის განყოფილებაში მყოფი 17 პაციენტიდან, მხოლოდ შვიდის გადარჩენა მოხერხდა. მძიმეა ორი გადარჩენილის ჯანმრთელობის მდგომარეობა.
მომხდარზე დაწყებულია გამოძიება.